Kur përmendet historia e Titanikut, shumë e injorojnë madhështinë e asaj pune për t'u përqëndruar vetëm në rezultatin fatal. Anija luksoze britanike u fundos tragjikisht në udhëtimin e saj të parë në natën e 14-15 prillit 1912.
Historia e saj ka tërhequr shumë njerëz, duke përfshirë Clive Palmer, i cili do të ndërtojë një version të ri të anijes deri në vitin 2027.
Gjatë dekadave, ekspertët janë përpjekur të kuptojnë se si anija u përplas me një ajsberg në anën e djathtë të saj. Por një ëndërr ka qenë gjithashtu rindërtimi i anijes madhështore dhe mundësia që ajo të kalonte Atlantikun për të përfunduar shpirtërisht udhëtimin që Titaniku origjinal nuk mundi ta përfundonte. Tani kjo ëndërr mund të bëhet realitet falë iniciativës dhe këmbënguljes së Clive Palmer.
Miliarderi australian ka nisur të ndërtojë Titanikun II i financuar tërësisht nga ai vetë. Ai planifikon ta përfundojë projektin e tij gjatë vitit 2025, në mënyrë që kjo anije e re të fillojë të lundrojë në dete pas tre vjetësh. Një objektiv shumë i guximshëm, duke pasur parasysh vështirësinë dhe mungesën e kohës.
Miliarderi ka paraqitur një skicë, në formën e një projekti 3D, në të cilin ai përfshin në anijen e tij: 835 kabina (383 të klasit të parë, 201 të klasit të dytë dhe 251 të klasit të tretë) dhe disponueshmërinë për më shumë se 2300 pasagjerë në bord.
Natyrisht, ngjyrimet historike nuk mund të mungonin.
Palmer ka siguruar se udhëtimi i parë do të jetë i njëjtë me atë të paraardhëses së tij: Southampton në Nju-Jork, edhe pse me shpresën se përfundimi do të jetë krejtësisht i ndryshëm.
"Është shumë më argëtuese të bëj Titanikun sesa të rri në shtëpi dhe të numëroj paratë e mia," vuri në dukje Clive.
Australiani synon të investojë nga 500 milionë deri në 1 miliard dollarë për Titanik II.
Sipas The Guardian, kjo anije mund të peshojë më shumë se 55,000 tonë.
