Megjithëse emri i saj është përmendur shpeshherë si një prej banoreve të reality show-t "Ferma VIP", Sara Gjordeni ka mohuar se do të marrë pjesë në sezonin e ri të spektaklit.
Përmes një postimi në Instagram, ajo zbuloi se ftesa për t’u bashkuar me edicionin e tretë të reality-show-t i ishte bërë menjëherë pasi doli nga "Big Brother VIP Albania", por vendosi të mos e pranojë.
Gjordeni theksoi se, edhe pse emri i saj është përmendur disa herë si një nga pjesëmarrëset e mundshme të këtij viti, ajo konfirmon se nuk do të jetë pjesë e spektaklit.
“Në ekran do të shihemi pas shumë pak muajsh, por jo me reality”, shkroi ajo në mesazhin e saj.
Me këtë deklaratë, Sara ka lënë të kuptohet se shumë shpejt do të rikthehet në televizion, por këtë herë me një projekt të ri televiziv.
