Pas një gare të zjarrtë ku emocionet qenë në maksimum në dyshen finale ku ishte “kokë më kokë” me Gjestin, Rozana Radi ka ndarë me publikun ndjesitë e saj pas përfundimit të “Big Brother VIP”.
Edhe pse nuk e rrëmbeu ajo çmimin e madh, këngëtarja është shprehur mëse e lumtur për fitoren e Gjestit.
“Jam shumë e lumtur që e fitoi Gjesti, njësoj siç do të isha për veten time. Unë e fitova finalen time. Si i përjetova këto muaj në BBV… është një kub i vogël, atë kubin me ngjyra të ngatërruara, ia bëra të gjitha ngjyrat", -tha ajo.
Por çfarë do të ndodhë tani me Rozanën?
"Unë i realizova të gjitha dëshirat e mia në këtë BBV dhe ia mora të gjithë kënaqësinë. Nga Rozana në vijim.. nuk e di… të mendoj për një fëmijë në fillim, edhe gjëra të mira artistikisht patjetër”, u shpreh Rozana.
