Një shpërthim i fortë ka tronditur një lagje jugore të Romë, pranë autostradës Romë–Fiumicino, duke shkaktuar shembjen e tre ndërtesave dhe panik te banorët e zonës.
Si pasojë e shpërthimit, dy persona të moshuar, një burrë 84 vjeç dhe një grua 86 vjeç, kanë mbetur të plagosur rëndë dhe janë transportuar me urgjencë në Spitali Sant’Eugenio, ku po marrin trajtim mjekësor intensiv.
Sipas të dhënave paraprake, dyshohet se shpërthimi është shkaktuar nga një bombol gazi, pas një rrjedhjeje të mundshme. Zjarrfikësit ndërhynë menjëherë në vendngjarje, duke arritur të shpëtojnë edhe persona të tjerë që kishin mbetur të bllokuar nën rrënoja.
Dëmet materiale janë të konsiderueshme: përveç tre ndërtesave të shkatërruara, shpërthimi ka dëmtuar edhe godina përreth dhe disa automjete të parkuara në rrugë. Rreth 70 banorë janë detyruar të largohen nga shtëpitë e tyre dhe po kërkojnë strehim emergjent.
Në vendngjarje ishte i pranishëm edhe kryebashkiaku i Romë, Roberto Gualtieri, i cili deklaroi se autoritetet po punojnë për të përcaktuar shkakun e saktë të shpërthimit, ndërsa prioritet mbetet siguria dhe ndihma për banorët e prekur.
