Kylie Jenner dhe Timothée Chalamet kanë hedhur një hap të rëndësishëm në lidhjen e tyre, duke shfaqur për herë të parë publikisht dashurinë në rrjetet sociale. Biznesmenia 28-vjeçare e shoqëroi aktorin në Festivalin Ndërkombëtar të Filmit në Palm Springs, ku ai promovoi filmin Marty Supreme, dhe çifti pozoi së bashku për fotografët.
Më vonë, Kylie publikoi foto nga eventi në Instagram, ndërsa Chalamet reagoi me pëlqim dhe komente me emoji zemrash portokalli, hera e parë që ata komentojnë në postimet e njëri-tjetrit.
Veprimi u prit me entuziazëm nga fansat, duke e parë si një konfirmim të fortë të lidhjes së tyre trevjeçare.
Mbrëmja ishte e veçantë edhe për Chalamet, i cili u nderua me çmimin Spotlight Performance për rolin e tij në Marty Supreme.
