Selena Gomez ka ndarë detaje të sinqerta për rrugëtimin drejt diagnostikimit me çrregullim bipolar, duke treguar se fillimisht ishte diagnostikuar gabim dhe kishte kaluar në disa qendra rehabilitimi dhe tek shumë terapistë.
“E dija që diçka nuk shkonte, por mendoj se isha diagnostikuar gabim,” u shpreh ajo. “Mendoj se njerëzit thjesht supozonin dhe unë provoja terapistë të ndryshëm.”
Ajo theksoi vështirësinë e këtij procesi:
“Është vërtet shumë e vështirë kur flasim për këto gjëra… gjithçka është shumë e komplikuar.”
Gomez u shpreh mirënjohëse për eksperiencat që e ndihmuan të kuptonte veten:
“Jam shumë mirënjohëse që shkova në katër qendra rehabilitimi, sepse të gjitha më ndihmuan ta kuptoj.”
Ajo shtoi se sot e pranon gjendjen e saj:
“Jam po aq krenare të them që kam momente manie. Nuk kam aspak turp…”
Në fund, mesazhi i saj ishte i qartë:
“Nuk përcaktohesh nga një term… besoj se ka shumë shpresë.”
