Një nga figurat më të spikatura të këtij edicioni të “Big Brother VIP”, Laert Vasili, ka ndarë emocionet e tij pas përfundimit të rrugëtimit në shtëpinë më të famshme në Shqipëri.
“E dija që dyshja përfundimtare do të ishte Rozana dhe Gjesti, televotimi e ka treguar."
Edhe pse nuk doli fitues, aktori i njohur u shpreh se për të ky format ka qenë një përvojë transformuese.
"Një Laert më i përmirësuar se ai që hyri në fillim. Kam fituar shumë më tepër se vlera monetare, kam fituar miq dhe një Laert më të mirë sesa ai që hyri", -u shpreh ai.
Sa u përket planeve për të ardhmen, aktori tha:
"Do të vazhdoj punën time në teatër dhe nuk e di nëse realizohen projektet që i kam si ëndërr.”
