Pas një viti pezullimi, TikTok është rihapur zyrtarisht në Shqipëri me vendim të Këshillit të Ministrave.
Vendimi u mor këtë të mërkurë gjatë mbledhjes së qeverisë, ku u shfuqizua akti i mëparshëm që parashikonte masa të përkohshme për kufizimin e platformës. Konkretisht, vendimi nr.151, datë 6.3.2025, që synonte shmangien e ndikimeve negative të TikTok, nuk është më në fuqi.
Platforma ishte bllokuar që prej 6 marsit të vitit të kaluar, ndërsa tashmë përdoruesit në Shqipëri kanë sërish akses të plotë në të.
