Eva Dumani është rikthyer në Shqipëri dhe është ribashkuar me vëllanë dhe nënën e saj, pas një periudhe 12-vjeçare të kaluar në Siria, ku për gjashtë vite qëndroi në kampin Al Houl. Operacioni u cilësua nga Ministria për Europën dhe Punët e Jashtme si kompleks dhe i realizuar me mbështetjen e partnerëve ndërkombëtarë.
Sipas burimeve për Top Channel, largimi i saj u bë i mundur pasi forcat opozitare rrëzuan regjimin e Bashar al‑Assad. Ajo u dërgua fillimisht në Adana, ku u mor nën mbikëqyrje nga autoritetet e sigurisë së Turqia dhe u intervistua nga agjencitë ligjzbatuese, përpara se të merrte lejen për udhëtim drejt Shqipërisë përmes ndërhyrjes diplomatike nga Ankara.
Shqipëria ka realizuar katër operacione riatdhesimi në gjashtë vitet e fundit për gratë dhe fëmijët shqiptarë në zonat e konfliktit. Aktualisht, sipas burimeve, në Siri ndodhen ende 22 gra e fëmijë shqiptarë dhe 8 burra që mbahen në burg.
