“Piranjat” moderuar nga Arilena Ara dhe Florian Binaj, kanë mbyllur këtë të martë sezonin e parë, për të rinisur sërish në shtator me të tjera investigime dhe denoncime.
Gjatë tetë puntatave keni parë pedofilë të arrestuar, kamera të fshehta që u janë bërë VIP-ve si dhe raste që ju kanë ardhur në ndihmë njerëzve në nevojë, por keni parë edhe atë, Arilena Arën të shkëlqejë në çdo puntatë.
Duke filluar nga fustani vezullues e deri tek latex-i i bardhë këngëtarja dhe moderatorja ka arritur të jetë në qendrën e vëmendjes çdo javë.
Javën e parë, veç kostumit klasik të “Piranjave” ajo ka zgjedhur një fustan vezullues si ajo vetë .
Në puntatën e dytë Arilena ka zgjedhur një “jumpsuit” të zi latex me krahë të ndryshëm dhe detaje gurësh.
Puntata e tretë: BossWoman! Kostum i zi klasik? Kravatë? Arilena mund t’jua marrë të dashurën kur të dojë.
Engjëllore, me kostum të bardhë dhe papjon. Kështu u duk Arilena në javën e katërt të “Piranja Show”.
A Barbie girl in a Barbie world! All Pinkish! Siç ka përshkruar fotot edhe ajo vetë, e gjitha me rozë në puntatën e pestë.
Nuk kemi mbërritur ende në fund por edhe tani mund të dalim në përfundimin se latex-i është zgjedhja më e mirë. Dhe në ngjyrë vishnje? Një qershizë e vërtetë!
Vibrante si ajo vetë. Ashtu është ngjyra e fustanit që ajo zgjodhi për puntatën e shtatë dhe të parafundit. (Një nga të preferuarat tona)
Dhe e mbylli me materialin që mesa duket është krijuar për të, latex-in! Në ngjyrë të bardhë me korse dhe kravatë. Këmishë latex nuk kishim parë ndonjëherë. Sa herë e kemi përmendur engjëllore në këtë artikull? Jo mjaftueshëm!
