Disa persona kanë humbur jetën pasi një avion i vogël u rrëzua gjatë uljes në Aeroportin Rajonal të Statesville, në Karolinën e Veriut. Lajmin e konfirmoi sherifi i qarkut Iredell, Darren Campbell, pa dhënë detaje për numrin e viktimave.
Aksidenti ndodhi rreth orës 10:15 sipas kohës lokale. Avioni, një Cessna C550, u përfshi nga flakët menjëherë pas përplasjes në skajin lindor të pistës. Autoritetet federale të aviacionit (FAA) kanë nisur hetimet për shkaqet e ngjarjes.
BREAKING: A small aircraft has crashed at #Statesville Regional Airport north of Charlotte, North Carolina. We are working to learn more. pic.twitter.com/60i0L1bqNv
— Kaitlin Wright (@wxkaitlin) December 18, 2025
Sipas mediave lokale, avioni dyshohet se i përket një kompanie private të lidhur me ish-pilotin e NASCAR, Greg Biffle. Aeroporti i Statesville do të qëndrojë i mbyllur deri në një njoftim të dytë, ndërsa ekipet po pastrojnë pistën nga mbetjet.
