Prej disa sezonesh, moda ka qenë nën ndikimin e “quiet luxury” dhe minimalizmit. Por këtë vjeshtë–dimër, gjithë vëmendja është zhvendosur te stili me personalitet, ngjyrat e forta dhe “loud luxury”. Ndaj nuk është aspak surprizë që trendi që shohim më shpesh në rrugë e në rrjetet sociale janë palltot 'Penny Lane'.
Palltoja 'Penny Lane' është një xhaketë me gjatësi mesatare deri të gjatë, që dallohet për jakën dhe mëngët e zbukuruara me pellush.
Emrin e ka marrë nga personazhi 'Penny Lane', luajtur nga Kate Hudson në filmin e vitit 2000 'Almost Famous'. Në film, Hudson mbante një pallto kafe me lesh të bardhë, të cilën e kombinonte me xhinse të drejta dhe çizme, një look i thjeshtë, por edhe me stil.
Edhe pse ky stil ishte shumë i famshëm në fillim të viteve 2000, ai ka bërë një rikthim të fuqishëm falë stilistëve dhe personazheve të famshëm.
Marka britanike Charlotte Simone është kthyer tek yjet si Taylor Swift, Charli XCX, Emily Ratajkowski dhe Dua Lipa, të cilat zgjedhin nga koleksionet e saj palltot me push në jakë dhe mëngë. Ndërkohë, dizajnerë si Magda Butrym, Nour Hammour dhe Susanna Chow po e risjellin këtë trend në një version modern, shumë më të sofistikuar.
Me afrimin e dimrit, vajzat “It girls” po nxjerrin nga gardëroba palltot 'Penny Lane'. Pavarësisht nëse e adhurojnë apo e urrejnë të ftohtin, një gjë është e sigurt: kush e ka një të tillë, e pret gjithë vitin momentin për ta veshur.
Me pak fjalë, palltoja 'Penny Lane' është rikthyer më fuqishëm se kurrë, një miks perfekt mes nostalgjisë së viteve 2000 dhe luksit modern. Dhe me sa duket, do të jetë palltoja më e kërkuar e dimrit.
Galeria fotografike
